Páll á Reynatúgvu hevur egið broytingaruppskot til pensjónsnýskipanina
Vil ikki, at pensjónsaldurin skal hækka.
Tað má sigast at vera sjáldsamt, at løgtingsformaðurin einsamallur hevur eitt broytingaruppskot til eitt av teimum heilt stóru málunum, sum koma í løgtingið, men tað hendi á tingfundinum í dag. Páll á Reynatúgvu hevur vegna seg sjálvan lagt eitt broytingaruppskot til pensjónsnýskipanina fyri tingið.
Lógartekniskt er talan um 7 broytingar í uppskotinum viðvíkjandi løgtingslógini um
almannapensjónir.
Í viðmerkingunum til uppskotið sigur løgtingsformaðurin stutt og greitt: “Tikið verður ikki undir við, at pensjónsaldurin hækkar, tískil verða hesar broytingar gjørdar.”
Tað at hækka pensjónsaldurin hevur annars verið roknað sum ein tíðandi partur av uppskotinum, tí tað skal gera, at fíggjarliga haldførið í skipanini verður varðveitt.
Mest lisið í farnu viku
Samband
Heygsvegur 8
490 Strendur