Suðurkinesiska havið er stórt, og strandalondini mong, Japan, Filipsoyggjar, Vietnam, Suðurkorea og Taiwan, sum øll hava síni krøv um sjóøki og oyggjar.

Men kommunistarnir í Beijing eru frekastir, ríkastir, hernarliga sterkastir og mest atlitsleysir. Nú ein dagin stóð ein sera klár fylgisveinamynd prentað í einum filipinska blað av tí, ið leingi hevur verið eitt sandriv, ið Filipsoyggjar og Vietnam hava kannað sær.

Nú er ikki nógvur sandur eftir at síggja, kanska mest undir vatnskorpuni tí Kina er næstan liðugt at byggja eina loftverju- og herflotastøð á sandrivinum.

Sandrivið hoyrir til Spratley oyggjarnar, og næsti stórbýur er Manila. Henda nýggja oyggin er ein av fleiri hernaðarstøðum.

Kina hevur í áravís hótt allar sínar fátækari og veikaru grannar ímóti at kanna sær nakra av hesum oyggjum. Her er vald rættur, og valdið er kinverskt.

Á oynni hevur Kina bygt radarkuplar, rakettrampur, -siloir og eina 3 km langa flogbreyt, hangarar, flúgvitorn, bumbuskýli og manningarbrakkar.

Ein djúpvatnshavn og skipasmiðja til herskip eru eisini í gerð. Annars er oyggin bygd og útgjørd sum ein fastur og væl vardur “flogberi.”

Kina breiðir seg út um heimin sum komandi búskapar- og hernarligt stórveldi.

Henda víðgirda oyggin verður neyvan hin seinasta í tí stóru kinversku byggiætlanini inn í framtíðina so langt, ið eygað røkkur.