Nógv hendir í Venezuela, hóast “fake news” miðlar í Vestanlondum láta sum einki, so teirra vinstravenda fyrimynd í Suðuramerika ikki fær sum uppiborið.

Herfyri setti Maduro forseti í Venezuela fleiri heryvirmenn í ráðharrastørv fyri at klistra teir til sosialistisku stjórnina. Manuel Quevedo generalur er settur ráðharri fyri oljuvinnuni, sum skal “lagast til nýggja framtíð.”

Fleiri aðrir herovastar eru settir í ráðharrastørv fyri at binda hermegina tættari at tí politiska valdinum, ið tørvar politi- og militerverju móti svøltandi fólkinum.

Stjórnin hjá Maduro hevur fongslað yvir 50 leiðarar hjá almenna oljufelagnum, PDVSA og nú at enda stjóran á amerikanska oljureinsiverkinum, Citgo, so tað heldur ikki virkar longur, og Venezuela klárar verri og verri at selja sína olju.

Eisini hevur sosialistiski einaræðisharrin við sínum egna nývalda 500-manna  grundlógartingi úr egnum flokki útskrivað forsetaval at vera í úrtíð longu 22. apríl. Nývalið meinast at koma av altjóða trýsti at halda frí val.

Øll vænta valsvik, tí øll mótvalevni til Maduro eru fongslað ella rikin í útlegd.

100-tals fólk eru dripin í skotbardøgum o.ø. ófriði, tá fólk hava mótmælt.

Brazilska stjórnin hevur júst lýst “sosiala neyðrættarstøðu” í Roraima, tí norðasta landslutinum, og biðið herin halda stýr tá, tí 70.000 venezuelar eru flýddir suður um mark av hungri í sosialistiska paradísinum fyri norðan.

Brazil hevur eisini sosialistiskan búskap, og tí er einki trygdarnet undir landsins egnu íbúgvum og als ikki undir 10-tús.tals flóttum úr grannalondum. Nýkomnu venezuelarnir yvirliva av at bidda í býum og bygdum í Brazil.

Brazil boðaði frá herfyri, at bráðneyðugt er at tetta markið ímóti flóttafólki.

Nógv fleiri venezuelar flýggja til Columbia undan sosialistisku armóðini heima. 100-túsund koma hvønn mánað til spansktmælta grannalandið fyri vestan. Stjórnin í Bogota hevur sent 1.000-tals hermenn til markið móti Venezuela.

Trump verður fordømdur, tí hann vil steðga 2-3 mió fólkum úr Latínamerika at bróta inn í USA hvørt ár. Segði nakar, at vit vesturlendingar eru rasistisk, tí vit gera mun á “góðum” framkomnum londum og “shitholes” í 3-heiminum?