Tað ber ikki til at hjálpa øllum fólkum, sum fremja harðskap, sigur Kathrina Lindenskov Holm, sálarfrøðingur, í sendingini Rák (3). 

Um fólk skulu verða móttakilig fyri hjálp mugu tey klára at vera viðkvom, og fólk sum t.d. líða av dyssosialum persónleikaólagið, psykopati, halda seg ofta vera betri enn onnur menniskju, og tá er torført at røkka inn til tað viðkvæma, tí tá krakelerar allur veruleikin hjá hesum menniskjanum, greiður Kathrina Lindenskov Holm frá.

Tá tað kemur til menniskju, sum fremja harðskap, má man hyggja eftir teirra barndómssøgu. Hvørju tilknýti høvdu tey, vóru tey góðtikin sum menniskju, skilja tey egnar kenslur og kenslur hjá øðrum - empati og mentalisering. Eru tey bangin í relatiónum. Ofta hava hesi menniskju sum børn uppliva eitt hvørt traumatiskt, og tí heldur Kathrina Lindenskov Holm, at um man skal fyribyrgja harðskap er tað mest umráðandi at verja børnini.