Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Eingin fólkaatkvøða í dag um stjórnarskipan

Innanlands, Politikkur | 25/04-2018 09:39

Fólkaatkvøðan um stjórnarskipan, sum einaferð skuldi verða 25. apríl 2018, er nógvar ferðir útsett, og í løtuni veit eingin nær ella um hon verður.

“Fólkaatkvøðan um stjórnarskipan verður flaggdagin 25. apríl í 2018.” Tað boðaði løgmaður frá tann 10. februar í fjør.

“Landsstýrið miðar eftir, at ein breiður meiriluti í løgtinginum og fólkinum fer at taka undir við nýggju stjórnarskipanini,” segði løgmaður.

Men eingin fólkaatkvøða er í dag, nú vit skriva 25. apríl 2018. Tann 16. apríl boðaði formaðurin í stjórnarskipanarnevndini, Heðin Mortensen, frá, at heldur ikki løgtingsviðgerðin - sum skal vera liðug í seinasta lagið eitt hálvt ár áðrenn fólkaatkvøðuna - verður liðug áðrenn ólavsøku.

Men hetta er ikki fyrstu ferð, at tíðarætlanin fyri stjórnarskipanini ikki hevur hildið. Í samgonguskjalinum frá 2015 stendur:

“Ein nýggj stjórnarskipan skal staðfesta, at Føroya fólk hevur valdið í Føroyum. Lógin skal áseta og útgreina sjálvsavgerðarrættin og fólkaræðisliga stýrislagið hjá Føroya fólki. Hon kemur til fólkaatkvøðu í seinasta lagi í 2017.”

Landsstýrið hevði einaferð sum mál, at uppskotið um stjórnarskipan skuldi vera klárt at leggja fyri løgtingið í oktober 2016, men tann ætlanin varð fleiri ferðir útsett. Tann 23. juni í fjør varð endaliga staðfest, at uppskotið fór ikki at verða lagt fyri løgtingið fyrr enn eftir ólavsøku.

Og tað bleiv tað, - ikki beint eftir ólavsøku, men 27. september. Tá var longu minni enn hálvt ár til flaggdagin, og harvið ov seint til at halda fólkaatkvøðu tann 25. apríl.

Í gjár fór tingið heim, og stjórnarskipanararbeiðið er ikki liðugt. Tað merkir, at uppskotið má leggjast fram av nýggjum á ólavsøku, og byrjað verður aftur við 1. viðgerð. Og aftur skal hálvt ár ganga frá tí at viðgerðin er liðug til fólkaatkvøða kann verða.     


Lagt út: Helgi Abrahamsen
Lýsing
Mest lisið í farnu viku
Álvarsom lúgvisjúka stórtrívst millum ávísar journalistar í Føroyum
Norð­oyggjar missa nógv orsaka av fiski­vinnu­nýskipanini
Kristin Michelsen: Hetta er brot á lógirnar hjá Javnaðar­flokkinum
Kristin Michelsen stillar uppaftur
Ætlar Bjørn at forkoma Sjálvstýris­flokki­num?
Alt hevur sína tíð her á fold
Jenis ætlar sær í lands­stýrið
R7 og KvF samsenda
Kanning av kynsligari misnýslu av børnum í Føroyum
Fuglafjarðarsendingin (7) - 18. okt. 2018
Hugnaløtan (38) - Gestur: Karina Højgaard
Óreglusemi á fundarborði í fiski­mála­ráðnum
Ljóðbrot: Tá dunnan endaði undir sofuni
Líggjas Johannesen: Hvar eru pengarnir brúktir?
Sverri Hansen sagt seg úr búskaparráðnum
Metis - Øll sendingin - 16. oktober 2018
At lata Almanna­verki­num fleiri íbúðir loysir sjálvandi nakað
Myndarøð: Café"in á Mølini í Skálavík
Eg gangi út frá, at Poul Michelsen hevur eina góða frágreiðing til vanliga skattgjaldaran
Norðlysið gitar: Tummas Lervig fyri Hendrik Old
Saudi-Arabiski krúnprinsu­rin kann verða koyrdur frá
Sjálvstýri havt ársfund
Myndarøð úr Føroyingahavn­ini: Tíðarin­nar tonn er farin avstað við tí mesta. 
Terje hugleiðir um almennan og privatan kappróður.
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi