Hampuligt flaggdagsveður
Veðrið frá DMI
Veðurlagið:
Eitt lágtrýst, 995 hPa, sunnanfyri Ísland, flytur seg spakuliga eystureftir, og ein tilhoyrandi samanrenning av brúgvaløgum, við regni, liggur stutt norðanfyri Føroyar og flytur seg spakuliga í ein landsynning. Sunnanfyri brúgvalagið kann roknast við einstøkum ælum.
Veðurvánirnar:
Lot av ymsum ættum, minni enn 5 m/s. Í kvøld og í nátt snarar ættin í norðan og landnyrðing, og vindurin veksur til gul til frískan vind, 5 til 10 m/s. Fyrst verður skýggjað við regni, men seinni verður skiftandi skýloft við ælaveðri. Hitin í dag fer at liggja millum 3 og 8 stig, í nátt verður kaldari - onkrastaðni heilt niður ímóti frostmarkinum.
Veðrið hósdagin:
Gul til frískan vind av norðri og útnyrðingi, 5 til 10 m/s. Tað verður skiftandi skýloft og einstøk æl. Hitin um dagin fer at liggja millum 4 og 6 stig, um náttina millum 2 og 4 stig - onkrastaðni niður ímóti frostmarkinum.
Veðrið fríggjadagin:
Vindurin minkar til lot til andøvsgul av norðri, 2 til 7 m/s. Tað verður nakað av sól og einstøk æl, sum onkrastaðni kunnu verða við kava. Hitin um dagin fer at liggja millum 3 og 6 stig, um náttina millum 1 og 4 stig.
Veðrið leygardagin:
Lot til andøvsgul av norði, móti náttini mest av vestri, 3 til 7 m/s. Tað verður skýggjað fyri tað mesta, men annars turt í veðrinum. Hitin um dagin fer at liggja um 5 stig, um náttina millum 1 og 5 stig.
Og veðrið sunnudagin:
Gul til frískan vind av útsynningi, 5 til 10 m/s. Tað verður nakað av sól ella sólglottar, men eisini okkurt æl. Hitin fer alt samdøgrið at liggja millum 4 og 7 stig.
Mest lisið í farnu viku
Samband
Heygsvegur 8
490 Strendur