Várdagar eru á Toftum hesa vikuna
Várdagarnir í Nes Kommunu byrjaðu longu leygardagin, tá ruddingardagur var á skránni, umframt sangframførslur og at listaframsýnig lat upp.
Úr skránni hesa viku kunnu nevnast m.a í dag er Gráasteinshúsið opið, har er málningaframsyning og kaffi. Bókasavnið er opið og kl. 20. fer Jens Chr. Olsen at greiða frá teirra upplivingum, tá tey vóru á Hawii og í Rounand og Uganda.
Í morgin 1. mai kann nevnast m.a, at B68 fer at skipað fyri barnatiltaki á Svangaskarið og at konsert verður við Kim Hansen í Tofta skúla. Mikudagin tann 2. mai er “Túrur við Toftavatn” klokkan 8.00, har Janus Jensen verður frasøgumaður. Eftir gongutúrin er morgunmatur at fáa í B68 húsinum. Seinni um kvøldið verður KVINNUKVØLD í Tofta skúla, tað er Tofta kvinnufelag sum skipar fyri.
Várdagarnir á Toftum enda við Bátafestivali, tá bátar fara at sigla úr Skálabotini inn í bátahylin við Oyrahandlin.
R7 radio fer at siga frá siglingini beinleiðis. Her á R7.fo fara vit at greina skránna á Várdøgum seinni í vikuni.
Mest lisið í farnu viku
Samband
Heygsvegur 8
490 Strendur