Í Týsklandi hava tey gjørt hagtøl yvir brúk av telefon. Tað vísur at broytingarnar henda við rúkandi ferð.

Tey senda nógv færri SMS. í 2012 sendu týskarar 60 milliardir sms (svarar til 37,5 mió í FO) Í 2017 var hetta tal minka til 10 milliardir (6,2 mió. í FO)

Í 2017 tosaðu týskarar 120 mia. minuttir í telefon. (75 mió FO) svarandi til 1.500 minuttir pr. íbúgva. Tað er 1/4 minni enn í 2013.

Týskarar brúka á leið eins nógva tíð at tosa í mobiltelefon, sum teir hava gjørt seinastu 2-3 árini. Tilsamans tosaðu teir í 115 mia. minuttir í mobiltelefon. (72 mió. FO) 

Tilsamans tosar hvør týskari í miðal 2.940 minuttir í telefon árliga. Tað eru 49 tímar. 

Harafturímóti økist nýtslan av data sera nógv. Data verða sjálvandi send við mobiltelefon. Har er nýtslan økt sera nógv. Í fjør sendu týskarar 1,4 mia. Gigabyti umvegis mobiltelefon. (875.000 í FO) Tað svarar til 17,5 GB pr. persón.

Hetta veit ARD at siga frá. 

Hvussu stór nýtslan er í Føroyum vita vit ikki so nógv um. Men onkur tøl hava vit leita fram.

Í 2017 sendu vit 29 mió. sms boð, sum er meira enn týskarar sendu í 2017, men minni enn teir sendu í 2012-

Í 2017 tosaðu vit 11 mió. minuttir í fastnet telefon og 146 mió. minuttir í mobil telefon. Tað er 10% meira enn týskarar. Men vit tosa nógv minni í fastnet telefon og nógv meira í mobil telefon.

Vit brúka eisini mobiltelefonina munandi meira til data enn týskarar. Um vit hava skilt tað rætt, so brúka vit 1,8 mió. GB, sum er tvær ferðir so nógv sum týskarar.

Broytingarnar henda sera skjótt. Trupult ella kanska ómøguligt er at meta um hvussu tað verður bara um fá ár.