Rudda Føroyar, sum skipar fyri ruddingardegi í Føroyum tann 15. september, ið eisini er altjóða ruddingardagur, kemur her við 7 góðum ráðum til, hvussu tú kanst hjálpa tær sjálvum, umhvørvinum og pengapunginum.

1. Savna matin í kuldaskápinum eina ferð um vikuna og et restir – til dømis kann mann eta biksimat ella gera eina lekra súpan burtur úr grønmetisrestum.

2. Koyr tyggigummi og sigarettstubbar í skrell – ikki á vegin ella í náttúruna, tí fuglar og onnur djór royna at eta tyggigummi, og tað er sera ringt fyri tarmarnar hjá teimum... !að tekur umleið 5 ár, áðrenn ein sigarettstubbi verður brotin niður.

3. Et egg, fisk og grønt upp á breyð í staðin fyri kjøtviðskera.

4. Sel fløskur og blikk og fá pantið aftur – plastikk kann endurnýtast fleiri ferðir. 

5. Nýt umhvørvisgóð reingeringaevni – og her er tað ikki altíð tey dýru merkini, sum eru tey bestu. Hygg eftir hvørji evni eru merkt við Svananum ella EU-blómuni. 

6. Keyp umhvørvisgóð battarí, til dømis battarí, sum kunnu løðast aftur, ella battarí, sum eru merkt við Svananum.

7. Far eftir matvørum við so lítlum pakkitilfari sum gjørligt, til dømis blikk, sum ikki eru pakkað í plastikki afturat, avokado og bananir uttan plastinnpakking o.s.fr.