Ein nýggja øl er komin á marknaðin við føroyskum taraúrdráttum frá fyritøkuni TARI. 

Tað er Arizona Wilderness Brewing Co., sum hevur bryggja ølina, ið er ein portari ella ein sterk myrk øl.

Ølin eitur Abundansea, men fæst ikki til keyps í Føroyum enn. 

Systkinini Agnes Mols Mortensen og Mortan Mols Mortensen eiga fyritøkuna TARI, sum fæst við at ala tara og granska innan menning av taraaling og taraúrdráttum.

Berandi súlan í fyritøkuni TARI er lívfrøðilig burðardygg framleiðsla av hágóðskutara til matna og annað. TARI leiðir og luttekur í granskingarverkætlanum, og samstarvar við bæði føroyskar og útlendskar fyritøkur og vitanarstovnar.