Vinnuhúsið eggjar fyritøkur at hjálpa at rudda Føroyar
Føroyar verða ruddaðar leygardagin tann 15. september, sum er ásettur altjóða ruddingardagur. Tað er felagsskapurin "Rudda Føroyar", sum hevur tikið stig til, at eisini í Føroyum verður ruddað hendan dag.
Tað er í tráð við tíðarandan, at vit gerast alsamt betri til at taka upp eftir okkum og brúka tilfar, sum ikki elvir til skaða á umhvørvið. Altjóða ruddingardagurin hvílir á sjálvbodnari luttøku, og fyri at tiltakið skal eydnast, vil felagsskapurin “Rudda Føroyar” fegin hava einstaklingar og vinnufyritøkur at luttaka, skrivar Vinnuhúsið í dag.
Einhvør fyritøka, stór ella lítil, er vælkomin at verða partur av “Rudda Føroyar” átakinum í tann mun, tær síggja seg førar fyri tí. Til ber at rudda kring egið virksemi, men til ber eisini at hjálpa til á annan hátt, t.d. við at hjálpa at flyta burturkast til burturbeiningar.
Á heimasíðuni hjá felagskapinum "Rudda Føroyar" her, eru tilmeldingarbløð tøkt, har einstaklingar og fyrtøkur kunnu melda seg til at luttaka í tiltakinum.
Líknandi tíðindi
Mest lisið í farnu viku
Samband
Heygsvegur 8
490 Strendur