Tann 18.januar í ár, skrivaði Jónheðin soleiðis.  

Í ár royndu við nakað nýtt í hjallinum. Vanliga hava vit verið noydd at vaska kjötið minst tvær ferðir áðrenn jólini eru komin, og kortini hevur kjötið altíð verið rættiliga ljótt av öllum vöksturi, sum legst á.

Í fjör bleiv so hjallurin lukkaður av, so eingin trekkur sleppur inn. Ein avfuktari bleiv settur inn og vætan í luftini bleiv hildin niðri á 70%.

Nú er Januar og allir bögirnir eru turrir, eisini teir á veðrunum, sum vigaðu 65 pund. Tjógvini eru væl á veg at blíva turr, so tann prosessin er framskundað við væl meira enn einum mánað. 

Men tað besta av øllum er, at tað er absolutt einki legst á kjøtið. Vit kunnu taka tað beint úr hjallinum og seta tað á borðið.

Eg havi ongantíð havt so gott og vælsmakkandi kjøt, so hetta var ein succes og verður gjört aftur komandi ár. Liturin á hasari myndini av bógnum snýtir eitt sindur, tí bógvurin er ordiliga grönur, og hann er longu hálvetin. Smakkar fantastiskt!!! - So er spennandi um Jónheðin roynir hetta aftur, nú fletting er fyri framman.