Farið verður í dýbdina við havinum. 

Havið, umleið 70 % av jarðarflatuni, hitnar vegna veðurlagsbroytingar. "Sum gongdin er nú, so mugu vit rokna við eina upphitan, sum fer at nærkast 4 stigum ella meir", sigur Bogi Hansen, professari í havfrøði. Í sendingini greiður hann frá, hvussu lívið í havinum verður ávirkað av veðurlagsbroytingum. 

Tosað verður eisini við Fríðunn Bolstad Mortensen, sum herfyri vann norðurlendska skrivikapping, ið norska Norrønu felagið skipaði fyri. Vit hoyra m.a. brot úr tí, sum Fríðunn skrivaði um havið og umhvørvið. Fríðunn eggjar okkum øll til at gera nakað við dálking.

Tað er Annika Bolton Mortensen, sum er vertur í Rák.