Kunngerðin um áseting og javning av almannaveitingum fyri 2025 er nú lýst, og á nýggjárinum hækka pensjónir og aðrar almannaveitingar við 3,6%. Fólkapensjónin hækkar við millum 390 til 475 kr. um mánaðin, og harumframt hækkar útgjaldið frá Samhaldsfasta. Hjá persóni, sum fær hægstu fyritíðarpensjón, hækkar pensjónin við 480 og 565 kr. um mánaðin til ávikavist gift og ógift. 

Flestu almannaveitingar eru knýttar at kunngerðini og sostatt hækka flestu almannaveitingar. Upphæddirnar, sum verða galdandi í 2025 kunnu síggjast her: kunngerð um áseting og javning av almannaveitingum fyri 2025.

Í kunngerðini, sum er galdandi fyri 2025 eru hesar upphæddir galdandi:

Stk. 2. Fólkapensjón er árliga:

1)   Grundupphædd til støk er kr. 55.584,00.

2)   Viðbót til støk, fødd áðrenn 1. januar 1953 er kr. 50.280,00.

3)   Viðbót til støk, fødd aftaná 31. desember 1952 er kr. 63.732,00.

4)   Grundupphædd til gift er kr. 44.172,00.

5)   Viðbót til gift, fødd áðrenn 1. januar 1953 er kr. 40.416,00.

6)   Viðbót til gift, fødd aftaná 31. desember 1952 er kr. 47.172,00.

Stk. 3. Hægsta fyritíðarpensjón er árliga:

1)   Grundupphædd til støk er kr. 80.412,00.

2)   Viðbót til støk er kr. 69.084,00.

3)   Grundupphædd til gift er kr. 63.876,00.

4)   Viðbót til gift er kr. 64.224,00.

Stk. 4. Miðal fyritíðarpensjón er árliga:

1)   Grundupphædd til støk er kr. 80.412,00.

2)   Viðbót til støk er kr. 34.824,00.

3)   Grundupphædd til gift er kr. 63.876,00.

4)   Viðbót til gift er kr. 32.760,00.

Stk. 5. Lægsta fyritíðarpensjón er árliga:

1)   Grundupphædd til støk er kr. 80.412,00.

2)   Viðbót til støk er kr. 33.924,00.

3)   Grundupphædd til gift er kr. 63.876,00.

4)   Viðbót til gift er kr. 30.972,00.

Stk. 6. Avlamisveiting er árliga kr. 37.537,00.

Stk. 7. Avlamisviðbót er árliga kr. 37.537,00.

Stk. 8. Eyka viðbót er árliga kr. 37.860,00.

Stk. 9. Barnaviðbót er árliga kr. 14.448,00.

Stk. 10. Hjálparviðbót er árliga kr. 40.104,00.

Stk. 11. Røktarviðbót er árliga kr. 80.076,00.

Stk. 12. Frádráttarfrí inntøkuupphædd í fyritíðarpensjón er árliga kr. 103.200,00.

Upphædd sbrt. løgtingslóg um viðbót til ávísar pensiónistar

§ 3. Upphædd sbrt. løgtingslóg um viðbót til ávísar pensiónistar, sum er ásett í § 3, nr. 2 í løgtingslóg um áseting av almannaveitingum, er árliga kr. 8.448,00.