Løgreglan í Keypmannahavn hevur funnið eina sag í Køgebukt, sum kann hava samband við hendingina í august, tá kavbáturin UC3 Nautilus sakk. Umborð vóru uppfinnarin, 46 ára gamli Peter Madsen, og 30 ára gamla svenska tíðindakvinnan, Kim Wall.

“Sagin verður nú kannað av okkara kriminalteknikarum, fyri at fáa staðfest um talan kann vera um somu sagina, sum løgreglan hevur leitað eftir, í sambandi við sakina viðvíkjandi kavbátinum,” sigur drápskanningarmaðurin, Jens Møller Jensen, sambært Expressen.

Sagin varð funnin 6 dagar eftir at løgreglan í sama øki fann høvdið og beinini av Kim Wall, umframt ein posa við klæðum og einum knívi. Varapolitiinspektørurin, Jens Møller, segði tá, at einki bendi á, at Kim Wall hevði fingið skaða í høvdið, og tað stríðir ímóti frágreiðingini hjá Peter Madsen, sum hevur sagt, at Kim Wall doyði av løstunum, tá hon fekk eina lúku í høvdið.

Tað er framvegis ikki staðfest, hvussu Kim Wall doyði, men tað verður framvegis kannað. Funnu lutirnir seinastu dagarnar hava havt við sær, at Peter Madsen, umvegis sín verja, hevur boðað frá, at hann vil ikki longur tosa við løgregluna. Tað skrivar Ekstarblaðið. Hann viðgongur seg framvegis ikki sekan í at hava dripið Kim Wall, og at hava stykkja líkið av henni sundur.

Kelda: VG