Úrslitið fyri 3 ársfjórðing var sera gott. Avlopið var 346 milliónir aftaná skatt. Tað er væl meira enn seinasta ár.

Úrslitið fyrstu 9 mánarnar í ár er 783 milliónir. Seinasta ár var úrslitið 491 milliónir og tí er talan um munandi framgongd.

Hetta úrslit fløvar eisini kommunu- og landskassar. Higartil í ár er roknaði skatturin 173 milliónir. Tað eru 50 milliónir meira enn seinasta ár. Skatturin verður uppgjørdur við ársenda og goldin í 2017.

Ein orsøk til góða úrslitið er høgi laksaprísurin. Vinningurin pr. Kilo hækkaði 61% í mun til 3 ársfj. 2015. Tað er høvuðsorsøkin til at úrslitið betraðist hóast minni laksur er tikin í ár í mun til 2015.

Framtíðarútlitini eru góð. Eftirspurningurin eftir laksi er stórur og heimsframleiðslan væntast at økjast 1% í 2017 og tí verður rokna við at prísurin framhaldandi verður høgur.