Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Góði pedagogur - Legg frá tær

Innanlands, Lesarabrøv | 10/01-2018 20:43

Jú av hjartanum meini eg tað, og sum skattgjaldari og harvið eri við at gjalda tykkara løn so skammist eg við tykkum og tykkara framferðarhátt.

Greinin er um tykkum, sum samfelagið hevur lati tykkum tað álit at tit skulu vera um okkara allar veikastu í samfelagnum, tit sum arbeiða á vardum stovnum undir landinum.

Tit hava sviki okkara álit á tykkum, tit vita væl hvat fylgir tað hevur at niðurleggja røktina av hesum stakkals menniskjum sum eru tey veikastu av teim veikastu her á landið. Tit vita væl at nógv av teimum eru alla tíð fult avhengi av at alt teirra lív koyrir eftir einari professionellari ætlan, nógv brúka eina fleiri ára verkætlan at byggja sín førleika upp har tit svíkja tey og fara heim grundað ónøgd við løn sum tit sjálvi hava valt at góðtaka tá tit átóku tykkum hesa álvarsomu ábyrgd, og sum tit nú hava sviki.

Tit hava sviki okkara álit við at svíkja familjur sum vóru um at skrædna sundur av ábyrgd og sorg yvir teirra fjølbrekað barn við at kroysta hesi stakkals menniskjur inn aftur í teirra heim við óbótaligum skaða fyri foreldur, teirra systkjum og annars avvarðandi. Taka tey innaftur 2-3 dagar og síðani aftur blaka tey útaftur til familjurnar.

Tit hava sviki okkara álit á tykkum at vera um øllum okkara autistum, tey sum als ikki tola broytingar har skaðin tekur mánaðir at byggja uppaftur.

Haldi ikki eg sigið ov nógv at tit hava við tykkara gerðum sparka og knúsa nógv av okkara sum uppá forhond liggja niðri. At sparka og knúsa ein liggjandi persón má vera at rokna sum tað mest ússaliga mann kann finna uppá. Tað ábyrgdina eiga og skulu tit pedagogar hjá tí almenna taka á tykkum.

Taki fult undir við útsøgnina hjá almannastjóranum, haldi at tit skuldi øll umhugsa at sagt upp, tit eru ikki verd at hava ábyrgdina av okkara veikastu í samfelagnum.

Undrist eisini yvir teir nógvu ikki faklærdu í felagnum, helst eru tit ein ikki so lítil partur í felagnum, hvat gera tit í verkfalli? Tit eru ikki partur av lønarósemjuni. Herrópið hjá felagnum er “líka útbúgving líka løn” tað vil siga at tit sum ikki eru útbúgvin fáa ikki eina krónu av úrslitinum av semjuni, tit fingu í boði, við dag eitt, ein lønarvøkstur uppá 2,3 og 2,5 % yvir 2 ár.

Ein fiskimaður sum dregur línu á opnum dekki í ódnarveðrið og ein kontórmús frá 8-16 kunnu tey samanlíknast í fortreytum til lønarsamráðingar? Nei, hugsi ikki. Líka so lítið kann man samanlíkna pedagogar sum ansa frískum børnum frá 8 til 16 og hava fríð hvørt einasta kvøld og vikuskifti, við pedagog sum arbeiðir á stovni við fjølbrekaðum, døgnið runt, hvønn dag, hvørt kvøld, eisini í vikuskiftunum har tey ofra samveru við familju og tað gongur bæði yvir børn og makað teirra. Sjálvandi skulu tey sum ofra mest fáa mest. Er tað ein framvegis trupulleikin at pedagogar hava somu lærutíð, so loys tað við at tey sum passa frísk børn fara niður í eitt ára útbúgving. Tað eru nógvar mammur sum hava klára at fostra børn upp uttan nakra útbúgving. Orsøkin er einføld: hjarta við í tí arbeiðinum tú gerð. Tó ikki misskilja meg pedagogar á barnagørðum gera eitt megnar gott arbeiðið og eru neyðugur at hava har til at lofta tey veiku børnini.

Tað kann bara ikki vera rætt at tey eru so nógv at tey dekka øll tey “frísku” børnini eisini. Tað vil svara til at vit eisini hava læknar sum dekka øll tey frísku fólkini í samfelagnum, so skuldi tað kanska veri fleiri hundrað læknar í Havn, tað kann ikki vera rætt.

At formaðurin í pedagogfelagnum sleppur so kredittleyst at vaska hendur sum ein annar Pilatus har hann ferð aftaná ferð sleppur at leggja alla ábyrgd av at tey í hansara felaga sparka og knúsa okkara allar veikastu, sum longu lógu niðri, yvir á almennu lønardeildina og tess politikarar. Ikki ein tann einasti mótspurningur frá útvarpsfólkunum um tykkara ábyrgd at sparka til liggjandi sjúk fólk.

Eg vil loyva mær at pástanda at um tey veikastu sjúku sum longu lógu niðri og sum nú vera niðursparkaði og skadd við varandi meini av pedagogum sum ikki kenna sína ábyrgd, um hesi fingu líka nógva rúmd í Útvarp Føroya sum tey samkyndu, so var verkfalli langsíðan av og pedagogarnir farnir, við skomm í sinnið, aftur til arbeiðis.

Anskar Hansen


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Álvarsom lúgvisjúka stórtrívst millum ávísar journalistar í Føroyum
Norð­oyggjar missa nógv orsaka av fiski­vinnu­nýskipanini
Kristin Michelsen: Hetta er brot á lógirnar hjá Javnaðar­flokkinum
Kristin Michelsen stillar uppaftur
Ætlar Bjørn at forkoma Sjálvstýris­flokki­num?
Alt hevur sína tíð her á fold
Jenis ætlar sær í lands­stýrið
R7 og KvF samsenda
Kanning av kynsligari misnýslu av børnum í Føroyum
Fuglafjarðarsendingin (7) - 18. okt. 2018
Hugnaløtan (38) - Gestur: Karina Højgaard
Óreglusemi á fundarborði í fiski­mála­ráðnum
Ljóðbrot: Tá dunnan endaði undir sofuni
Líggjas Johannesen: Hvar eru pengarnir brúktir?
Sverri Hansen sagt seg úr búskaparráðnum
Hava lýst eftir stjóra fyri slakar 50.000 krónur
Metis - Øll sendingin - 16. oktober 2018
At lata Almanna­verki­num fleiri íbúðir loysir sjálvandi nakað
Myndarøð: Café"in á Mølini í Skálavík
Myndarøð úr Føroyingahavn­ini: Tíðarin­nar tonn er farin avstað við tí mesta. 
Norðlysið gitar: Tummas Lervig fyri Hendrik Old
Saudi-Arabiski krúnprinsu­rin kann verða koyrdur frá
Eg gangi út frá, at Poul Michelsen hevur eina góða frágreiðing til vanliga skattgjaldaran
Sjálvstýri havt ársfund
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi