Kring allan heim verður skrivað nógv um at býflugur, teirra millum humlan ella humlubiin, er við at doyggja út, men her heima er humlan júst við at koma fyri seg. Hetta er, sambært Rakul Arnfríð Dam, plantualara og røktarleiðara á Gróðurstøðini undir Umhvørvissotvuni, orsøkin til at vit í Føroyum nú síggja at berjarunnar og frugttrøð eru farin at trívast nógv betur. Hesa eygleiðing hevur hon gjørt seinastu 2-5 árini.

Humlan kemur út í Føroyum fyrst í apríl mánaða, meðan vespan ikki sæst fyrr enn seinni. Humlan er ein góður dustari og tað ger at frugtsetingin í Føroyum er blivin nógv betur, tí síggja vit eisini meira hyben. Rakul sigur, at vit fjálga best um humluna við at hava støðuga blóming í urtagarðinum, og tí er umráðandi at planta ymiskt sløg av blómum, so humlan sum longst hevur okkurt til matna. Rakul leggur eisini dent á, at humlan er sera viðkvom mótvegis týningarevnum ella pestisidum, og sigur at ynskiligt hevði verið, um arkitektar hugsaðu meira um eisini at skapa grøn øki við blómum.