Pesto við geitarkáli

4 dl av geitarkálabløðum

2 dl av olivinolju

2 súpusk. av parmasan osti

12 grønar olivin

2 súpusk. av súltaðum hvítleykum (kann veljast frá)

Basilikum (kann veljast frá)

Koyr fyrst geitarkálið og oljuna í hvirluna. Tað skal skerast heilt smátt. Koyr ostin, olivin og súltaða hvítleykin í og karva meira. Kann smakkast til við súrróma. Man kan royna seg við at koyra basilikum í fyri at broyta smakkin. 

 Geitarkálsgratin

 300 gr. av geitarkáli

50 gr. av smøri 

60 gr. av hveitimjøli

2 dl. av mjólk

3 egg 

salt

Kóka geitarkálið í saltvatni. Stoyt tað síðani í eina sigtu og lat vatnið dyppa av. Smetla smørið í eini grýtu. Rør mjølið í smørið. Rør síðani mjólkina í. Lat blandingina køla av. Rør síðani eggjablommu og geitarkál í. Píska eggjahvítarnar stívar, og rør teir í. Stoyt blandingina í eitt smurt eldfast fat. Baka í uml. 1 tíma, 170 stig.

Borðreið við breyði.

Grøn fiskafløk

12 fiskafløk av reyðsprøku

1/2 kg av geitarkáli

125 gr. av hakkaðum soppum

3 súpusk. av smøri

2 1/2 dl av róma

Smørbollar:

50 gr. av smøri

50 gr. av mjøli

1 súpusk. av sitrónsevju

salt og pipar

Forsjóða, ella blanchera, geitarkálið í letsaltaðum kókaðum vatni í uml. 3 minuttir. Tak kálið upp við eini soðspón og pressa vatnið úr. Legg tað í eitt smurt eldfast fat, so botnurin er dekkaður. Rulla fiskaflakini og legg tey omaná. Drippa sitrónsevju á. 

Soppasovs: Steik sopparnir í 1 súpusk. av smøri og eitt sindur av sitrónsevju. Koyr róman í. Lat smákóka í 5 minuttir. Javna við smørbollum. Smakka til við salti og pipari. Stoyt sovsina niðuryvir fiskaflakini. Set fatið í ovnin í 15-20 minuttir, 200 stig. 

Borðreið við smáum eplum og breyði.