Trøð og runnar geva bestu lívd til allan vøkstur, tí tey filtrera vindin. Hon heldur at føroyingar, sum heild, planta alt ov lítið. Um fólk brúktu girðingar sum lívd til grasvøkstur høvdu tey tvífalda mongdina av hoyggi, sigur hon, og leggur afturat, at seyðurin kundi etið greinarnar tá tær verða kliptar. 

Bestu trøðini at brúka til lívd í Føroyum eru poppil, eldtræ og elri. Um man er áhugaður í at kunna eta av trøðunum, so vaksa runnar við stikkuls-, ribs- og sólberum væl í Føroyum, sigur Rakul Dam, og hesir runnar kann man evt. hava saman við kaprifoli, leggur hon afturat.

Um pláss ikki er til at hava plantaðar girðingar við trøðum og runnum, so er ein annar møguleiki at hava stakit við klivplantum.