26 mál móti Noregi eru til viðgerðar í Evropeiska mannarættindadómstólinum í løtuni. Øll málini snúgva seg um umsitingarøkið barnavernd.

Tann 10. september fall dómur í fyrsta av hesum málum. 13 av 17 dómarum stuðlaðu norsku mammuni, Trude Lobben, í hennara ákæri móti norska statinum, fyri at hava tikið og ættleidd son hennara fyri 10 árum síðani. 

Reaktiónirnar í fjølmiðlum í Noregi, uppá dómin móti landinum fyri at bróta mannarættindi, eru ymiskar.

Í Dagbladet vísur advokaturin Fridtjof Piene Gundersen á, at tað bara eru Russland og Turkaland, sum eru eins nógv í sjóneykuni hjá mannarættindastólinum sum Noregi.

Hann sigur um støðuna, at tað er norska rættarskipanin sum hevur fingið ein dóm frá mannarættindadómstólinum í Strassbourg. Hann sigur, at støðan er tann, at hægstirættur í Noregi er líkasælur við mál sum viðvíkja lív og framtíðarútlit hjá børnum. Bara nøkur fá av teimum 26 barnaverndarmálunum, sum liggja fyri Evropeiska mannarættindadómstólinum, hava verið fyri norska hægstarætti. 

Tá tað kemur til norsku barnaverndartænastuna heldur advokaturin, at tað er ein trupulleiki at barnaverndarøkið er kommunalt málsøki.

- Norsk barnevern er spredt utover våre mange kommuner og disse har, med ulikheter i økonomi og innbyggertall, ansvaret for hver sin barnevernstjeneste. Dette har resultert i rystende kvalitetsforskjeller, sigur Fridtjof Piene Gundersen í Dagbladet.

-Norsk barnevern er ute av kontroll. Reelt dreier det seg om en ukontrollert stat i staten, der tilfeldighetene råder. En familie som kommer i barnevernets søkelys har i dag lite vern i Norge. Er det et godt barnevern som kommer, går det bra. Er det ikke det, kan hva som helst skje…Altfor mange barnevernsansatte mangler forutsetninger for å utøve den makten de er gitt, sigur norski advokaturin í Dagbladet. 

Norski ráðharrin fyri familjurættarlóggávuøkið, Kjell Ingolf Ropstad, sigur við norska kringvarpið, NRK, at stjórnin tekur dómin frá Evropeiska mannarættindadómstólinum í størsta álvara. 

– Vi skal vurdere dommen nøye sammen me regjeringsadvokaten…Vi skal gjøre barnevernet bedre. Barnevernloven ble endret i fjor for å gi barn og foreldre bedre rettssikkerhet. Også i forslag til ny barnevernslov som vi arbeider med nå, er det lagt vekt på å styrke rettssikkerheten, sigur Ropstad við NRK.