Frá 2008 til 2011 minkað tal av løntakarum, sambært Hagstovuni 3.477 Tað var afturgongd uppá 13,5%. Hetta er tíðarskeiðið tá bankarnar vóru í neyð og stóra arbeiðspláss sum fiskavirking fóru konkurs. Landskassin hevði milliardir í undirskoti um somu tíð og ringasta árið var undirskot landskassans 688 mió.

Hóast neyðin var stór, so øktist tal av almennum arbeiðsplássum hesa tíðina 1,8% og tey gjørdust 153 fleiri.

Nærliggjandi er tí at hugsa, at tað gongum mótsætt tá tíðirnar eru góðar. Men so er ikki. Frá 2019 til 2024 hava vit havt góðar tíður, hóast Corona. Tað er framgongd á øllum økjum. Løntakararnir eru 7,8% fleiri svarandi til 2.115 í tali.

Vit síggja eisini, at nú tíðirnar eru góðar og inntøkurnar við, eru vøksturin stórstur í almenna sektorinum. Har er framgongdin heili 12%. Tað eru 1.210 starvsfólk. 

Tað almenna veitur tænastur, sum verða fíggjaðar við skattum og avgjøldum. Tá almenni sektururin økist munandi skjótari enn restin av búskapinum, má roknast við at gongdin ikki er langtíðar haldfør.

Alt gongur væl, og ballónin er so ovarlaga, at hon stendur til at bresta.

Men veiðurættindini minka skjótt. Landskassin roynir at fáa undirskot til avlop. Kommunurnar rokna við 614 milliónum í undirskoti í ár og lánslofti er nær.

Alt tíður uppá at vit skulu eftir hæli og onki tíður uppá tað mótsætta. Hvussu langt vita vit ikki. Vit vita hvussu tað sá út áðrenn 2010 og áðrenn 1992. Onkur minnist aftur til 1952. Vit hava tí okkurt at halda okkum til. Eisini tað at tað sá onki út í 2003, men tað gekk allíkavæl.

Tað eigur tó ikki at undra um trykki á ballónini minkar og hon partvís missur flogið.