Landsstýrismálanevnd og Ingilín
Svarið hjá Ingilín til Landsstýrismálanevndina gevur nágreiniligar upplýsingar um tað sum fór fram
Landsstýrismálanevndin viðgerð niðurstøðuna í málinum, har Ingilín Strøm Landsstýriskvinna er kærd fyri at siga ósætt á Løgtingsins røðarapalli.
Nú hevur almenningurin atgongd til flestu upplýsingar, men talan er um 30-40 síður og tað tímur ongin at lesa.
Upplýsingarnar í málinum eru:
Føroya Løgting viðgjørdi mál um at heimila Bústaðir at lána 350 milliónir. Umframt vóru aðrar broytingar í lógini. Tað stó á at fáa meirluta at atkvøða fyri.
Ingilín Strøm segði, at hon ongar ábendingar hevði um manglandi haldføri hjá Bústaðir
Landsgrannskoðanin hevði gjørt frágreiðing og hendan var latin øllum Løgtingslimum. Landsgrannskoðanin hevði biðið Januar um at gera eina haldførisfrágreiðing. Út frá tí átti ongin at ivast í, at støðan var ivasom.
Landsgrannskoðarin sigur, at tað eru greiðar ábendingar um manglandi haldføri.
Frágreiðingin frá Januar kom aftaná at Løgtingi hevði samtykt málið og er tí óviðkomandi í hesum máli.
Landsgrannskoðarin sigur, at tað eru greiðar ábendingar um manglandi haldføri.
Ingilín nevndi sjálv fleiri av orsøkunum til manglandi haldføri og tí kann staðfestast at hon veit.
Málið bleiv atkvøtt aftur í nevnd, tí tveir samgongutinglimir atkvøddu fyri tí. Aftaná bleiv tað tó samtykt.
Notat frá Anfinn V Hansen advokati greiður frá um lógargrundarlag í málinum, vísur til Gammeltoft í málinum um Kára Post og annað við.
Út frá hesum kunnu vit siga:
Orsøk er at halda, at Landsstýriskvinnan var undir ávísum trýsti at siga tað, sum skuldi til, fyri at fáa málið samtykt.
Orsøk er at halda, at málið at enda bleiv samtykt uttan atlit til støðuna hjá Bústaðir. Politiskt ynskti samgongan at avgreiða málið beinan veg.
Niðurstøðan hjá Landsstýrismálanevndini:
Umsitingin í Løgtinginum og ikki limirnir í Landsstýrismálanevndini gera tilmæli til Landsstýrismálanevndina. Eftir tí R7 hevur hoyrt, so er niðurstøðan sera greið.
Eftir at hava lisið umleið 40 síður, sær R7 ikki nakað sum vísur annað enn at Landsstýriskvinnnan antin við vilja ella av grovum ósketni upplýsti at hon ikki hevði nakra ábending um manglandi haldføri hjá Bústaðir.
Frágreiðingin hjá Landsgrannskoðaranum, sum alt Løgtingi hevði sæð, sigur, sambært Landsgrannskoðaranum sjálvum, at trupulleikar eru við langtíðar haldførinum.
Tað stó á at fáa málið samtykt og Landsstýriskvinnan hevði tí orsøk at tala sína søk sum best.
Tí er ikki nakað at ivast í.
Tað sum stendur á umleið 30 síðum um próvbyrðu, rættartrygd og dómarakanning v.m. umrøður so at siga ikki essensin í málinum.
Hvat gjørt verður við slíkt mál er trupult at siga. Men tá samgongan er í andstøðu krevja tey altíð at Landsstýrisfólk skulu úr starvi og tá er trupult at geva nøs til síni egnu.
Gammeltoft meinti, at Kári P Højgaard og Kaj Leo Jóhannesen skuldu hava nøs fyri manglandi/skeivar upplýsingar til Løgtingi, sum minnir um hetta mál. Høgni Hoydal fekk átalu og ikki uppsøgn, tí hann ikki skilti ein teldupost á fáar linjur. Umframt má metast um endamálið við skeivu upplýsingunum var at fáa málið samtykt.
Avleiðingar í slíkum málum eru altíð aðrar enn tað tosa verður um. At seta kanningarstjóra at geva ávaringar eru burturspiltir pengar.
Slíkt einfalt mál, má Løgmaður avgreiða, vitandi at avgerðin skapar fordømi og tí frátekur honum framtíðar møguleikar at hava meining í líknandi málum, um hann er í andstøðu.
Løgtingi kann seta fram misálit, um tey ynskja tað.
Mest lisið í farnu viku
300.000 børn og ung rýmd úr Ukraina í summar
Almenni sektorurin veksur altíð skjótast
Andakt
Arctic Circle: Helgi roynir seg í finaluni í kvøld
BTÙ vøkstur nógv stórst tá tað gongur væl í tilfeingisvinnuni
Bústaðir gevst at byggja
Danskir og føroyskir miðnámsskúlanæmingar vitja
Fiskaheilsutoymið hjá Firum til kalibreringsdag
Fleiri bústaðir mugu byggjast
Fólkaskúlanum manglar íløgur til neyðugar dagføringar
FSF og Håkan Ericson hava endað samstarvið
Jól í Hogwarts útgivin kring heimin í dag!
Kommunurnar 600 mió. í undirskoti í ár
Landsstýrismálanevnd og Ingilín
Mál og lyfti Miðfloksins til Býráðsvalið 2024!
Tað besta óskrivaða føroyska orðatakið
Tollsamstarvið við Danmark og Grønland verður styrkt
Vipers Kristiansand konkurshótt
Samband
Heygsvegur 8
490 Strendur