Granskarir í statinum Oregon á vesturstrondini í USA valdu 6 ymisk fiskasløg, sum teir kannaðu fyri microplast. Talan er eisini um nanoplast. Munur á micro og nano er støddin. Tess minni partiklar tess lættari kunnu teir ferðast frá maga til aðrar partar. Tað er galdandi fyri bæði menniskju, fisk og djór. Seinasta ár ávístu teir nanopartiklar í heilanum á fólki. 

Plast er so vanligt, eisini í kjøti, at tað verður ikki frárátt at eta fisk, hóast plastik er ávíst í flakinum.

Teir kannaðu m.a. eitt slag av laksi, sild og rækjum. Eisini var eitt slag av toski, men tað er ikki sama slag sum okkara toskur. Og siðan var ein fiskur sum líkist álli og ein sum minnur um kongafisk.

Microplast i fiski er kannað áður og vísa teir til kanning i Skotlandi og Argentina. Í Skotlandi funnu teir microplast í makreli úr sama makrelstovni, sum føroyingar veiða.

Teir kannaðu 182 ymiskar fiskar og funnu microplast í 180. Og tað teir kannaðu var flaki. Ikki magan. Nakrir av prøvunum vóru av so at siga øllum flakinum, meðan á stórru fiskunum kannaðu tey partar av flakinum.

Tilsamans funnu tey 1806 partiklar av microplasti. Av hesum stava gott 80% frá klæðum og líknandi textil pløggum.

Vísindaliga greinin sæst her

Tey kannaðu eisini hvat slag av microplast talan var um.