Bilasølan hevur verið minkandi seinastu árini. Seinasta ár keyptu vit 22% færri bilar enn í 2023. Í januar í ár keyptu vit 46% færri bilar enn í januar 2024.

Vit keyptu einans 20 bilar í januar í ár. Ein máni er lítið grundarlag til at meta gongdina fyri restina av árinum. Eisini kunnu broytingar í tollreglum ávirka søluna. Vit hoyrdu fyri 1-2 árum síðan at onkur skrásetti nógv akfør, áðrenn árskifti orsaka av hækkandi tolli og avgjøldum.

Tað er ein sannroynd, at tal av persónbilum er økt sera nógv seinastu árini. Tal av seldum bilum hevur verið yvir miðal. Tí má roknast við minking. Men nú tykist tal av seldum bilum tó lágt.

R7 hevur áður skriva grein um tal av dýrum brúktum bilum, sum eru til sølu. Tey sum keypa nýggjan bil eiga ofta ein brúktan, sum tey sjálvandi skulu selja fyrst.

Hetta hendi eisini fyri umleið 15 árum síðan. Men í mun til tá innflyta vit nógvar brúktar bilar, sum eru næstan nýggir. Í 2024 influttu vit 233 brúktar rættuliga nýggjar bilar. Tí er tal av nýggjum skrásettum bilum ikki uttan víðari sambærligt við tal av influttum bilum.

Tal av eigaraskiftum minkaði umleið 6% í 2024 í mun til 2023.

Bilasølan seinasta ár var hendan: