Í desembur gjørdu vit avtalu við Norra um sildaveiðu. Okkara kvota lækkaði umleið 50% og afturfyri fingu vit atgongd at veiða í norskum sjógvi.

Onkur meinar, at avtalan kundi verið betur og onkur meinar, at hon er á einari leið. Tað at viga nøgd við veiðuøkir er trupult og til ber at hava fleiri meiningar um tað.

Sambært avtaluni kunnu føroysk skip veiða í norskum sjógvi frá 1 september til 1 februar. Men av tí at ongin kunngerð er lýst, so bar ikki til at fiska.

Onkursvegna tykist, sum at tey, sum vóru til samráðingar ikki hava hugsa um hetta ella eisini hava tey mett at tað ikki hevur so stóran tídning. Til samráðingar eru nógv fólk, umleið 10, og mynduleikar og vinna eru umboðað. Tí er hetta møguliga óheppið. Men til ber at fiska sildina seinni í ár. Tað hava vit gjørt í nøkur ár. Men úrslitið kann verða verri.

Sambært avtaluni, kunnu vit fiska alla sildina í Norskum sjógvi. Tað eru 40.179 tons í 2025. 10 skip hava loyvi at fiska samstundis. Tveir túrar fyri 17 skip hevði ivaleyst verið størra helvtin av sildakvotuni. Og umframt hevði netto úrslitið í krónum verið størri.

Trupulleikin við at fiska í altjóða sjógvi er, at tað er longri at sigla. Tað kostar meira og kann ganga útyvir kvalitetin. Men tað er sjálvandi trupult at spáa um veður, vind og fiskaprísir. Rokna vit aftureftir, so kann talan gerast um nakað av pengum.

Bæði fiskimálaráðharrin Dennis Holm og Jan Petersen, stjóri í Christian í Grótinum hava úttala seg í málinum. Tað ljóðaði, sum teir tóku tað sum er hent til eftirtektar og ætlaðu at tað bleiv betri komandi ár.

Her er brot úr avtaluni frá 13/12-2024 millum Norra og Føroyar.

Partur av avtaluni millum Norra og Føroyar um norðshavssild