Føroya bestu vørumerki verða avdúkað á einum heiðurstiltaki Við Tjarnir fríggjadagin 28. februar og fimtan føroyskar fyritøkur eru tilnevndar. Tilnevndu vørumerkini eru útvald millum fleiri enn 650 vørumerki, ið eru skotin upp av eini fakligari dómsnevnd og føroyska almenninginum. Við kanningum og gjøllari viðgerð av tilnevndu vørumerkjunum verða teir tríggir vinnararnir nú kosnir og heiðraðir.

Talan er um fimtan sera fjølbroytt vørumerki innan so at siga allar vinnugreinar. Føroya bestu vørumerki vera kosin í trimum bólkum og tey tilnevndu eru:
Einstaklingamarknaður við 24 ella færri starvsfólkum:
OY
Guðrun & Guðrun
BreyðvirkiðFjord
Faer Isles Distillery
Einstaklingamarknaður við 25 ella fleiri starvsfólkum:
Atlantic Airways
Føroya Tele
Smyril Line
Krás
Nema
Fyritøkumarknaður:
GroAqua
Bakkafrost
Articon
Framskák
Mest

Tað er brandr Føroyar ið skipar fyri tiltakinum, sum umframt at heiðrað tey bestu føroysku vørumerkini hevur til endamáls, at skapa tilvitan um týdningin av branding og geva føroyskum fyritøkum betri grundarlag at styrkja síni vørumerki og harvið sítt kappingarføri, atdráttarmergi sum arbeiðspláss og í síðsta enda sítt marknaðarvirði. Tað verður landsstýrismaðurin í vinnumálum, ið setur tiltakið og á skránni verða útlendskir og føroyskir fyrilestrar og kjak.